Жагсаалын уухайг зоос болгoх шидийг тэмцлийн ертөнцөд оруулж ирсэн хүн бол Ж.Батзандан. Гадаадын Иргэдийн эрх ашгийг хамгаалах хуульчдын холбоо байгуулан тэргуүнээр нь ажиллаж байсан энэ этгээд уг нь Хятадын “Тан Луу” бvлэглэлтэй цуг эрүүгийн хэрэгт татагдах ёстой байсан санагдана. Түүний тэмцэл болгон нь Орос, Канадын хөрөнгө оруулагчид руу чиглэж байсан болохоос бус хэзээ ч Хятадууд руу дайрч байсангүй. Тогтвортой байдлын гэрээ нэрийн дор сул алдагдсан “Бороо Гоулд”-ын канадуудыг л зүхэж байснаас бус “Цайрт минерал”-ын хужаа нар мөн л Тогтвортой байдлын гэрээгээр далимдуулан Монголын баялгийг цөлмөж байхад тэр ган хийгээгүй санагдана. Үүний нууц хожуу боловч тайлагдаж байгаа юм. Уг нь “Цайрт минерал”-ын хужаа нар түүний төрсөн нутаг Сухбаатар аймгийг ухан төнхөж байгаа. Гэвч тэр огтхон ч ажирсангүй. үүнийг нутгийн ах нь болох УИХ-ын гишуун Ч.Улаан зохицуулсан гэнэ. Баттай эх сурвалжаас авсан мэдээллээр Ч.Улааны зуучлалаар Ж.Батзандан “Цайрт минерал”-аас багагүй хэмжээний мөнгө авчээ. Дашрамд сонирхуулахад Ж.Батзандангийн төрсөн эгч нь “Айвенхоу Майнз” компаний хуулийн зөвлөхөөр ажилладаг. Ингэхлээр тэр луйварчин Фрийдландын эсрэг муухай ч харахгүй нь аргагүй биз ээ.